Аб удзеле Генеральнага консула Беларусі ў г.Чунцыне Д.Емельянава ў памятным мерапрыемстве
15.10.2024 г.
14 кастрычніка 2024 г. Генеральны консул Рэспублікі Беларусь у г.Чунцыне Дзмітрый Емельянаў прыняў удзел у цырымоніі ўскладання вянкоў да магілы загінуўшым Савецкім лётчыкам у г.Ваньчжоу, арганізаваным Пасольствам Расіі ў Кітаі, з нагоды 85-й гадавіны з дня гібелі Савецкага лётчыка-героя Рыгора Кулішэнкі. У мерапрыемстве таксама прынялі ўдзел кіраўнікі Народнага ўрада г.Чунцына і г.Ваньчжоу.
Д.Емельянаў у сваім выступе зноў падкрэсліў, што важна памятаць урокі гісторыі, і тады «разам, мы зможам супрацьстаяць усім новым выклікам, пераадолець любыя цяжкасці».
